الرئيسية / أخبار / أخبار الجالية / تحذير ..عمليات نصب على صفحات الفيسبوك لتذاكر طيران وهمية في كندا

تحذير ..عمليات نصب على صفحات الفيسبوك لتذاكر طيران وهمية في كندا

كندا اليوم – ارسلت لنا هذه السيدة التي فضلت عدم ذكر اسمها رسالة تحذير بعد عملية نصب في تذاكر طيران  تعرضت لها من اشخاص تعرفت عليهم على جروبات تواصل الاجتماعي في كندا من خلال اعلانهم عن تذاكر طيران مخفضة اليكم القصة كما وصلتنا.

الاخوة في كندا اليوم رغبة في توصيل رسالة التحذير هذه لابناء الجالية في كندا حتى ما يتعرض لنفس الموقف الي تعرضت له. النهاردة قررت اكتب بعد اسبوع من التفكير اكتب و لا لأ على موضوع مهم اوي هي حادثة نصب و اهمال حصلتلي و عيزاكم تتعظو منها انا مش حذكر اسم الشخص بس معايا كل ادلة بس مش حابة انشرها على العام خلقا و ليس اكثر و لكن هي تستحق ذلك. اللي شاكك بس يبعتلي خاص عشان افيده لو حجز مع الشخصية دي تذاكر سفر . ايوة انا من كام شهر قررت اسافر مصر لاول مرة من ساعة ما جيت كندا و الاسعار كانت عالية شفت واحدة عاملة اعلان عن نفسها في كل الجروبات و الجروب ده كمان انها بتحجز دايراكت و انها بتدي خصم ٢٠ في المية طبعا انبسطت و بعتلها و قالتلي ما تدفعي غير لما تشوفي الحجز بنفسك و فعلا حجزت يوم ١٦ من شهر يوليو و دخلت لقيت الحجز كونفيرم في ساعتها كلمت زوجها قالتي احنا اصحاب الشركة و بقالنا ٤ سنوات في المجال و الحجز اكيد و انتي مسافرة مع اولادك و لو حصل اي شيء ده ضد سمعتنا و برجعلك الفلوس و بنسفرك على حسابنا طبعا مع كمية حلفانات رهيبة دفعت الفلوس و كله تمام يوم السفر تخيلوا بقى معايا رايحة بالشنط انا و اولادي و جوزي بس راح يوصلنا و رحنا اول ناس على كونتر مصر الطيران و بنبص الست تقولنا مفيش حجز ده حجز نصب طبعا قلنا ازاي قالتنا ملناش دعوة اتصلو بالشركة بتاعة السياحة او مصر الطيران و لكم ان تتخيلوا الضغط النفسي اللي حصل و فضلنا على الويتنج لمصر الطيران ساعة و نص و الناس توزن و تمشي و احنا على جنب و الاطفال قاعدة في الارض بتبكي لغاية ما بقى فاضل نص ساعة على الكونتر ما يبقفل جابو المدير قالنا اللي عملكم التذاكر خد منكم الفلوس ازاي قلتله ايميل ترانسفير قال لا هو دفع بفيزة مضروبة فاديت كانها تذكرة و بعدين الفلوس ما اسحبتش فا التذكرة اتلغت اه و الله زي ما بقلكم كده و طبعا اليوم ده كان السعر وصل لية انا و أولادي ١١ الف تقرييا فا نفعش نحجز تاني غير فلوس اللي عندي شركة السياحة اللي نصبت علية. روحنا بالشنط و انا مش مصدقة نفسي و اتصل بحضرتها الاقيها في مصر قاعدة هناك و تقولي زعلانة عشانك اوي اصل دي مش شركتنا انا بساعد الناس و طبعا ده غير كلامهم تمام لما كانو عايزين ادفع الفلوس المهم قلتلها طيب احجزيلي قالتلي خلاص تعويضا بحجزلك مهما كان السعر لان ده حقك و يفوت يومين و ٣ و انا منتظرة و عندي امل و الشنط محطوطة تصورو معايا كمية الضغط النفسي اللي كنت فيه و بعديها لما وصلنا ل ٤ ايام و الاسعار بقيت فظيعة قلتلها ابعتيلي فلوسي طبعا بردة ٣ ايام ذل على اساس انها مظلومة و مش معاها الفلوس و الشركة هي اللي ضحكت عليها جاتلي الفلوس طبعا بالسعر القديم غير الاسعار اللي وصلت دلوقتي و معرفتش احجز لانها ضيعت علية الفرصة و كان كل تخطيطي راح و الشنط مرمية على جنب ولغيت لاولادي كل الكامبات . طبعا ان عارفة ان كل شيء بقدر بس دي مش مجرد قصة دي تتعلمو ما تروحوش لاي شركة و الشركة دي اول ما بعتلهم فيس على صفحتهم مسحو اسمهم على طول و مصر الطيران قالت انها شركة نصابة بالحرف.

شاهد أيضاً

اعتداء وحشي وعنصري على رجل عربي امام زوجته واولاده كاد او يودي في حياته

 تعرض رجل عربي من مدينة مسيساجا للاعتداء من قبل رجلين في مدينة مسيساجا وشرطة بيل …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!