الجمعة , يوليو 19 2019
enar
الرئيسية / أراء ومقالات / بالخطوات كيف تكتب السيرة الذاتية للحصول على عمل في كندا

بالخطوات كيف تكتب السيرة الذاتية للحصول على عمل في كندا

بقلم : المهندس  باسم يحيي – مدير مشروعات في حكومه اونتاريو
كتابه سيره الذاتيه او CV مناسبه للوظيفه اللي بنقدم عليها بتسبب مشكله لينا كلنا عشان كده فكرت اشارك معاكم الحاجات اللي اتعلمتها يمكن تكون مفيده و كمان اتعلم من رايكم فيها. هنتكلم في المقدمه علي مجموعه اساسيات و بعدين هنتكلم علي اجزاء ال CV زي ال Profile, Experience, Education & Training
مقدمه
– الغرض من CV هو ان شؤون الموظفين ال HR او المدير المسئول عن الوظيفه يكلمك للمقابله الشخصيه و عشان كده لازم يشوف في ال CV كلام مطابق للمطلوب في  الوصف الوظيفي “Job Description”
– ال HR او المدير المسئول بيحكم علي مهارات زي ال Communication Skills, Accuracy, Critical thinking بتاعتك قبل ما يقابلك من ال CV ازاي ؟؟ مثلا
– لو انت كاتب كلام كتير ملوش علاقه بالوظيفه و مش بوضح انت ازاي هتفيد الشركه بيعتبر ان ده ضعف في ال Communication Skills, Critical Thinking, لانك لو مش عارف توضح المعلومه عن نفسك ازاي هتوضح للناس اللي بتشتغل معاك ايه اللي مطلوب في الشغل او اي فكره جديده
– عندك غلطات املائيه او في Grammar و الوظيفه عايزه واحد بيهتم بالتفاصيل
– ال CV المناسبه عاده بتكون من 3 صفحات او اقل انما اكتر من كده بتكون طويله
– لو عندك لينكدان بروفيل ياريت الكلام اللي فيه يكون مطابق للCV, يعني متكنش كاتب في الCV انك اشتغلت في شركه و لينكدان كاتب شركه مختلفه عشان الناس لو حست انك بتكدب عمرها ما هتكلمك
– لما تيجي تحفظ ملف ال CV علي الكمبيوتر عشان تقدم في وظيفه اختار اسم الملف مكون من جزء من اسمك و جزء من اسم الوظيفه و لو الوظيفيه ليها ID اكتبه عشان تسهل علي ال HR
– اخيرا اتفرج علي CVs بتاعه ناس تانيه و شوف Profiles مشابهه علي لينكدان و شوف الناس اللي مجالك بتتكلم عن نفسها ازاي ده هيعلمك كتيير
Formatting
– اختار فونت مناسب زي مثلا Arial , Calibri. ممكن تختار Font size كالأتي
– Your Name font size 15 B
– CV sections title “ Profile, Experience, Education” font size 14 B
– Previous companies name and Titles 12 B
– Body text 11
– بلاش ال formatting المبالغ فيه و استخدام براويز و حاجات كده كلها بتاخد من مساحه الورقه علي الفاضي, بلاش تحط صوره الا لو اعلان الوظيفه طلب كده و بلاش لوجهات الشركات اللي اشتغلت فيها كل ده بياخد من المساحه اللي انت مفروض تعبر فيها عن خبرتك و ازاي هتفيد الشركه
– اكتب جمل قصيره, بلاش الجمل الطويله اللي الناس بتتعب عشان تفهمها, اتعلم Punctuation عشان تعرف تفصل بين الجمل و ميكونش في جمل طويله قوي. الخط الأخضر اللي بيظهر تحت الجمل في ال Word ده معناه ان الجزء ده في مشكله في ال Grammar او ال Punctuation
– خلي بالك من الغلطات الأملائيه
– بلاش تستخدم جداول في ال CV عشان لو الشركه اللي بتقدم فيها بتستخدم برنامج بيعمل اسكان عشان يختار اكتر CV فيها كلام مطابق لل job description عاده البرنامج مش بيكمل اسكان لو قابل جدول و بالتالي مش بيختار ال CV
Profile
– كتابه ال objective انك بتدور علي وظيفه تناسب مهاراتك و تكبر فيها و تفيد المؤسسه ده كلام ملوش لازمه. ال HR او المدير اللي عنده الوظيفه عايز يعرف انت ازاي هتفيد الشركه ايه المهارات اللي عندك و الخبره اللي تخليك مناسب للوظيفه عشان كده مهم جدا انك تكتب في الأول بروفيل من مجموعه نقط توضح فيهم خبراتك , شهاداتك و ال Tools اللي استخدمتها قبل كده اللي تخليك مناسب للوظيفه و الجزء ده بتغير في طريقه كتابته مع كل وظيفه بتقدم عليها عشان تخلي الكلام اللي فيه مناسب لل Job description و بالتالي ال HR يقدر يعرف انت مناسب ولا لاء
– البروفيل بيكون في حدود ست او سبع نقاط و نفس النقاط دي تقدر تستخدمها في اجابه اسئله الأنترفيو زي سؤال كلمني عن نفسك. دي هنتكلم عليها بالتفصيل ان شاء الله في بوست تاني
– النقاط اللي في البروفيل لازم تكون بتغطي النقط الأتيه:
– عدد سنين خبرتك و المجال (Developer, project manager, tester…) و في اي صناعه ( IT, Telecom, Financial, …)
– درجاتك العلميه و شهاداتك زي PMP, ITIL, CISCO
– خبرتك في مؤسسات مشابهه للمؤسسه اللي بتقدم علي الوظيفه فيها
– خبرتك في وظيفه مشابهه للوظيفه اللي بتقدم عليها
– ال Soft Skills بتاعتك و ازاي استخدمتها او بتستخدمها عشان تفيد الشركه يعني مثلا
Strong strategic thinking and problem solving skills; focus on big picture and organization’s strategy while digging into technical/business details, collect, and analyze data to develop business and achieve organization’s strategic targets.
– ال Standards اللي استخدمتها في شغلك قبل كده زي مثلا Agile, ITIL, PMP, Scrum
– الأدوات Tools اللي بتعرف تشتغل بيها زي Microsoft Office, MS Project, SAP او اي برامج تانيه استخدمتها
Experience
– اكتب خبرتك في كل شركه في صوره انجازات مش تكتب ال tasks اللي كنت بتعملها و خلاص . حاول تكتب عملت ايه او ايه المشكله اللي حلتها و ايه كان العائد علي الشغل و الشركه, في ناس بتستخدم الطريقه دي skill + tool+ result مثلا :
Conducted and documented institutional business process re-engineering which
resulted in 60-70% cost reduction, improvement in quality and delivery time
– لو خبرتك كبيره و اشتغلت في مشروعات كتير الأفضل تكتب ماستر CV تكتب فيها كل خبرتك و المشروعات اللي اشتغلت فيها , مع كل وظيفه تقدم عليها تبتدي تحذف اللي مش مناسب منها للوظيفه, بلاش تكتب مشاريع او تطبيقات عملتها ملهاش علاقه بالوظيفه اللي بتقدم عليها
– لو اشتغلت في اكتر من مكان اكتب اسم كل شركه و وظيفتك فيها و اكتب تحت كل شركه سطر يقول الشركه دي مجالها ايه و لو ليها موقع علي الأنترنت اكتبه عشان لو بتقدم في بلد تانيه الناس تقدر تعرف تجيب معلومات عن الشركه دي
– استخدم action verbs عشان توصف اللي عملته زي Led, developed, initiated هتلاقي علي الأنترنت مواقع كتير كاتبه action verbs ممكن تستخدمها في ال CV
Education & Training
– اكتب درجاتك العلميه كل واحده في سطر بالكتير فيه اسم الدرجه و تاريخها و الجامعه
– لو اخدت تدريبات كتير مش لازم تكتبها كلها عشان ال CV متبقاش طويله قوي, اختار منها اللي مناسب للوظيفه
الكلام ده كله مبني علي ال Best Practice اللي انا اتعلمته و جربته و قابلت ناس كتير بتوع HR و سمعت هم بيكونوا عايزين يشوفوا ايه في ال CV
ان شاء الله في مقال اخر رح نتكلم علي اسئله الأنترفيو و ازاي نجاوب عليها

شاهد أيضاً

شرفة الياسمين: سوق مدحت باشا والشارع المستقيم بدمشق

بقلم: محسن القطمة| مسيساجا سوق مدحت باشا وهو بداية الشارع المستقيم، الذي يوصلنا في نهايته إلى …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!